WikiLeaks կայքի հիմնադիր Ջուլիան Ասանջը հայտնել է, որ եթե իրեն ձերբակալեն, ապա ինքն այնպիսի գաղտնի նյութեր կհրապարակի, որոնք շոշափում են ԱՄՆ և մի շարք այլ երկրների շահեր:
Ավստրալիացի Ասանջը այս պահին գտնվում է Լոնդոնում, և լրատվամիջոցներն անընդհատ հայտնում են, որ նրա ձերբակալության պահն արդեն շատ մոտ է: Ըստ բրիտանական մամուլի՝ Ասանջի տրամադրության տակ գտնվում են մի շարք տեսայութեր, որտեղ հստակ երևում է, թե Աֆղանստանում ամերիկացիների ռմբակոծությունների արդյունքում ինչպես են զոհվում խաղաղ բնակիչներ, ինչպես նաև Գուանտանամոյի դատապարտյալների, Bank of America-ի և նավթային ВР ընկերության վերաբերյալ: Հայտնվում է նաև, որ այդ տեղեկությունները կոդավորված տարբերակով հայտնվել են ինտերնետում և կապակոդավորվեն, եթե հանկարծ Ասանջը ձերբակալվի:
WikiLeaks-ի ղեկավարությունն այս մասին արդեն տեղեկացրել է ԱՄՆ իշխանություններին: