Հայ գրատպության 500-ամյակի ու ՅՈՒՆԵՍԿՕ-ի կողմից 2012 թ. Երևանը գրքի մայրաքաղաք հռչակելու միջոցառումներին ընդառաջ՝ Խնկո Ապոր անվան ազգային մանկական գրադարանն ու «Հայ գրքի կենտրոն» մշակութային միությունը՝ մշակույթի նախարարի աջակցությամբ, արդեն երկրորդ տարին կազմակերպում են «Դարձ առ գիրք» փառատոնը: Այս մասին այսօր լրագրողների հետ հնադիպմանը տեղեկացրեց մշակույթի փոխնախարար Արև Սամուելյանը` նշելով, որ փառատոնը կտևի մեկ ամիս, որի շրջանակում վաղը`հոկտեմբերի 7-ին, կնշվի Գրադարանավարի օրը, իսկ հոկտմբերի 8-ին՝ «Սասունցի Դավիթ» էպոսի օրը:
«Փառատոնը կտևի հոկտեմբերի 5-25-ը, այն նախատեսված է բնակչության տարբեր խավերի, մեծահասակների, տարբեր հնարավորությունների տեր անձանց համար»,- հայտնեց Ա. Սամուելյանը:
Խնկո Ապոր անվան ազգային մանկական գրադարանի տնօրեն Ռուզան Տոնոյանն էլ իր խոսքում նշեց, որ փառատոնը երեկ մեկնարկել է գրադարանում բացված՝ գերմանացի ստեղծագործողների պատկերազարդումների ցուցադրությամբ: Նա տեղեկացրեց, որ վաղը փառատոնի շրջանակում՝ գրադարանում կբացվի «Հայկական տարազ և տեղադրություն» խորագրով ցուցադրությունը, որի հեղինակն է Ազգային տարազների հեղինակ Նևրիկ Ազատյանը:
Կներկայացվեն 20 ձեռագործ հայկական տարազներ, որոնք կցուցադրեն «Միսս Հայաստանի» 20 աղջիկներ, ապա միջոցառումը կշարունակվի Կարապի լճին հարակից տարածքում: Նրա խոսքով`փառատոնի շրջանակում կլինեն հեքիաթապատումների շարքեր, մեր երկրում գտնվող դեսպաններն իրենց մայրենի լեզվով հեքիաթներ կկարդան մանուկների համար:
Փառտատոնի փակումը տեղի կունենա գրադարանում:
