Грузия Online-ի փոխանցմամբ՝ բրիտանական ոստիկանությունը հրապարակել է երկրի տարածքում թաքնվող 14 ամենավտանգավոր հանցագործների լուսանկարները։ Դրանց թվում է ընդրգրկվել նաև 33-ամյա վրացի Տատո Կակաուրիձեն։
Վերջինս հետախուզվում է սպանություն կատարելու գործով։ Բրիտանական ոստիկանության (Սքոթլանդ Յարդ) կայքում նշված է, որ, ամենայն հավանականությամբ, հանցագործը թաքնվում է Լիդս քաղաքում կամ նրա մերձակայքում։
Բրիտանական ոստիկանությունն իր քաղաքացիներին կոչ է անում հանցագործների վերաբերյալ ցանկացած տեղեկատվություն հաղորդել։ Սքոթլանդ Յարդի դետեկտիվ Փիթ Ռենսը նշել է. «Հանցագործները շատ վտանգավոր են, դրա համար ավելի լավ է նրանց հետ շփման մեջ չմտնել և չփորձել ձերբակալել նրանց։ Դրա փոխարեն, մեզ տեղեկություններ հաղորդեք նրանց գտնվելու վայրի մասին»։
Հետախուզվողների թվում ընդգրկված են նաև 4 ռումինացիներ, 6 լեհեր, մնացածն ալբանացիներ, իտալացիներ ու ավստրալացիներ են։ Նրանք բոլորն էլ մեղադրվում են ծանր հանցագործություններում։
