ԱՄՆ պաշտպանության նախարարությունը, որը ստիպված է առաջիկա տարիների ընթացքում զգալի կրճատել ռազմական բյուջեն, չի կարող իր վրա վերցնել ՆԱՏՕ-ի բոլոր ծախսերը այն ժամանակ, երբ եվրոպական երկրները զբաղված են տնտեսական ճգնաժամի հաղթահարմամբ: Պանետտան, որը վերջին երեք ամիսներին գլխավորում է Պենտագոնը, ՆԱՏՕ-ի անդամ երկրների իր գործընկերների հետ հանդիպման ժամանակ կոչ է արել միասին աշխատել, որպեսզի հետագայում էլ հնարավոր լինի անցկացնել այնպիսի ռազմական ակցիաներ, ինչպիսին Լիբիայում էր և Աֆղանստանում է: Այս մասին հաղորդում է Associated Press գործակալությունը:
Նա հիշեցրել է, որ առաջիկա 10 տարիների ընթացքում Պենտագոնը պետք է կրճատի 450 մլրդ դոլարի ծախսեր: Նա ասել է, որ ՆԱՏՕ-ն կարող է ընդհանրապես դադարի գոյություն ունենալ, եթե ԱՄՆ-ն չմասնակցի օպերացիաներին` կառավարումը հանձնելով դաշնակիցներին. «Մեզ ողբերգական ելք է սպասում, եթե Դաշինքը կորցնի օպերացիաներ անցկացնելու հնարավորությունը»,- ավելացրել է նա:
Հիշեցնենք, որ նման հայտարարությամբ այս տարվա ամռանը հանդես էր եկել նաև ԱՄՆ նախկին ՊՆախարար Ռոբերտ Գեյթսը, որը քննադատել էր Եվրոպային ռազմական ծախսերը կրճատելու համար: