Ադրբեջանի մայրաքաղաք Բաքվում ընթացող բռնցքամարտի աշխարհի առաջնությունում մինչև 75 կգ քաշային կարգում հանդես եկող Անդրանիկ Հակոբյանը քառորդ եզրափակիչում պարտություն կրեց ռումին Բոգդան Ջուրատոնիից և դուրս մնաց հետագա պայքարից:
Առաջին ռաունդն ավարտվեց 6:6 հաշվով, երկրորդ ռաունդում Ջուրատոնին փոքր ինչ առավելություն ուներ և գրանցվեց 6:7 հաշիվ, երրորդ ռաունդում բացահայտ առավելությունը Հակոբյանինն էր , սակայն մրցավարները չգիտես ինչու կրկին նախապատվությունը տվեցին ռումին մարզիկին: Արդյունքում ընդհանուր 21:17 հաշվով հաղթանակը շնորհվեց Բոգդան Ջուրատոնիին:
Նշենք, որ Անդրանիկ Հակոբյանը միակ հայ բռնցքամարտիկն է, ում Բաքվում հաջողվեց 2012 թ. օլիմպիական խաղերի ուղեգիր նվաճել:
