Հայաստանի ֆուտբոլի ֆեդերացիան «Եվրո-2012»-ի ընտրական փուլի Հայաստան-Մակեդոնիա հանդիպման նախաշեմին հաղորդագրություն է տարածել, որում ասվում է հետևյալը.
«Սիրելի երկրպագուներ, ինչպես տեղյակ եք՝ հոկտեմբերի 7-ին Երևանի Վազգեն Սարգսյանի անվան «Հանրապետական» մարզադաշտում տեղի կունենա «Եվրո-2012»-ի ընտրական փուլի Հայաստան-Մակեդոնիա հանդիպումը:
Ավելորդ է ասել, թե որքան կարևոր է այս հանդիպումը, և թե որքան մեծ նշանակություն ունի ձեր աջակցությունը մեր տղաների համար:
Այդ իսկ պատճառով խնդրում ենք ձեզ հնարավորինս շուտ գալ մարզադաշտ մեր թիմին ոգեշնչելու համար: Ավելին, ձեր այդ քայլով դուք կօժանդակեք մարզադաշտում անվտանգության և ապահովության աշխատանքների իրականացմանը:
Մարզադաշտը երկրպագուների համար բաց է լինելու ժամը 18:00-ից: Կանխավ շնորհակալություն ձեր աջակցության համար: Կհանդիպենք «Հանրապետական» մարզադաշտում»:
Նշենք, որ հանդիպումը կմեկնարկի 20:00-ին:
