ԱՄՆ կինոքննադատների ազգային ասոցիացիան 2010թ. լավագույն ֆիլմ է ճանաչել «Սոցիալակն ցանց» ֆիլմը, որը պատմում է հայտնի Facebook սոցիալական ցանցի ստեղծման մասին: Փորձագետների կարծիքով, այս մրցանակը կօգնի ֆիլմին ստանալ Օսկար: Սակայն «Սոցիալական ցանց»-ը չի սահմանափակվել միայն լավագույն ֆիլմ մրցանակով: «Սոցիալական ցանց» ֆիլմի ռեժիսորն էլ է արժանացել մրցանակի: Իսկ լավագույն դերասան է ճանաչվել գլխավոր դերում հանդես եկած Ջեսի Այզենբերգը, որը ֆիլմում մարմնավորել է Facebook-ի հիմնադիր Մարկ Ցուկերբերգին:
Լավագույն դերասանուհու մրցանակին է արժանացել 54-ամյա Լեսլի Մենվիլը «Եվս մեկ տարի» ֆիլմում նկարահանվելու համար:
Այս մրցանակը հիմնվել է հարյուր տարի առաջ որպես ոչ կոմերցիոն պրոյեկտ, որը պետք է աջակցեր կինեմատոգրաֆիային որպես արվեստի ճյուղ: