«Ժողովրդի իշխանություն» հասակական-քաղաքացիական նախաձեռնության անդամ Զոյա Թադեւոսյանն այսօր անդրադարձել է Հայաստանի գլխին կախված մարտահրավերներին: Նա մասնավորապես հայտարարել է, որ անցած ինը ամիսների ընթացքում արձանագրվել է արտագաղթի չափազանց բարձր տեմպ, որը սպառնալիք է Հայաստանի անվտանգությանը, քանի որ Հայաստանից հեռացել է ավելի քան 25 հազար ընտանիք:
Զոյա Թադեւոսյանն անդրադարձել է նաեւ Առեւտրի համաշխարհային կազմակերպությանն անդամակցության խնդրին: Նա նշել է, որ ո՛չ Ռուսաստանը, ո՛չ էլ Ուկրաինան ԱՀԿ-ի անդամ չեն, քանի որ զարգացող բոլոր երկրներն էլ հասկացել են, որ ԱՀԿ-ի հետ պետք չէ գործ ունենալ:
Տիկին Թադեւոսյանը խոսել է նաեւ 2011 թվականի ՀՀ բյուջեի նախագծի մասին. «Այս իշխանությունների ներկայացրած բյուջեն ահաբեկչական բյուջե է»:
