Այս շաբաթ՝ նոյեմբերի 29 – դեկտեմբերի 3 ժամանակահատվածում, փոխանակման կետերը գնել են շուրջ 82 մլն դոլար, որը 15 տոկոսով գերազանցում է նախորդ շաբաթվա ցուցանիշը եւ ռեկորդային է ողջ 2010-ի համար: Այս զարգացումները վկայում են, որ նախատոնական տրանսֆերտների հոսքի ավելացումն արդեն սկսվել է:
Հակառակ դոլարի առաջարկի կտրուկ աճին՝ ֆոնդային բորսայում դոլարը շարունակում է արժեզրկվել։ Այսօր «ՆԱՍԴԱՔՕԷՄԷՔՍ Արմենիա» բորսայում վաճառվել է 4,45 մլն դոլար՝ 360,12 միջին փոխարժեքով։ Նշենք, որ երեկ բորսայում գործարք տեղի չէր ունեցել այն պատճառով, որ բանկերը հրաժարվել էին դոլար վաճառել 361-ից ցածր փոխարժեքով։ Հնարավոր է, որ սա բանկերի կողմից կարճատեւ սպեկուլյատիվ հնարք է՝ դոլարները թանկ վաճառել նախաամանորյան էժանացումից օգտվելու համար: