Մեր աղբյուրների փոխանցմամբ, նախագահականից հրահանգ է իջեցվել, որ ձվի արտադրամասերը ձուն 50 դրամից ավելի չպետք է վաճառվեն: Հիշեցնենք, որ «Լուսակերտի թռչնաֆաբրիկայի» ներկայացուցիչ Մանասե Եփրեմյանը մեզ հետ զրույցում նշել էր, որ ձվի գինը, հասնելով 70 դրամի, ոչ թե թանկացել է, այլ վերականգնվել է: Այսօր նրանից փորձեցինք ճշտել արդյո՞ք նշանակում է, որ իրենք այսուհետ վնասով են աշխատելու, եթե հետեւեն նախագականից իջեցված հրահանգին: Եփրեմյանը պատասխանեց. «Էս պահին նորմալ է. մարդիկ նոյեմբերի աշխատավարձը դեկտեմբերին 1-ին են ստացել, ամեն ինչ նորմալ է: Լուսակերտում ձվի գները ոնց կային, այնպես էլ մնացել են՝ ճիշտ շան պոչի օրինակով. ո՛չ երկարել են, ո՛չ էլ կարճացել»:Մեր այն հարցին, թե ներկա դրությամբ արտադրամասը ձուն ինչ գներով է իրացնում խանութներում, արձագանքեց. «Մեքենայի գինը հասկանալու համար նախ պետք է ուսումնասիրենք շուկան՝ տեսնելու համար, թե Մոսկվիչը կամ Տոյոտան ի՞նչ արժեն: Ձվի գները նույնպես կարգերով է սահմանվում: Ամենատարածված՝ 2-րդ կարգի ձուն 50 դրամ է: Բայց սովետական կարգերից եկած 0 կարգը, որը «ատբոռնի» է նշանակում, մինչեւ 60 դրամի է հասնում: Նախագահականի հրահանգը «ատբոռնիին» չի վերաբերում: Դա որաշակի մարդկանց շրջանի համար: Այսինքն՝ մարդ կա՝ Բենթլի է է ուզում քշել, ինչպես կարող ենք ասել՝ գնա, Տոյոտա քշի»: Ինչ վերաբերում է այն խնդրին, թե գործարանը այսօր շահույթո՞վ է աշխատում, թե՞ վնասով, նկատեց. «Նորմալ է, որովհետեւ էս մեր հայ ժողովուրդը տոլերանտ ժողովուրդ է. ամեն ինչ տանում է: Էս շրջանն էլ անցնի, Լուսակերտի հավկիթի գինը չի բարձրանա իր ներքին շահադիտական նպատակով: Այն շուկայի հետ համարժեք է գնում. եթե պահպանվի փոխարժեքը, պահպանվեն այսօրվա մատակարման գները, ուրեմն հավկիթի գինը Լուսակերտում շան պոչի սկսզբունքը կունենա՝ ո՛չ կավելանա, ո՛չ կպակասի>: