Բրիտանացի պատգամավորի կինը`53-ամյա Քրիստիան Հեմինգը, մեղավոր է ճանաչվել ամուսնու սիրուհու կատվի գողությունը կատարելու մեջ: Ինչպես հաղորդում է Associated Press-ը, Բիրմինհեմի թագավորական դատարանը նախօրեին որոշում է կայացրել նրան մեղավոր ճանաչել դուռը կոտրելու ու գողություն կատարելու համար: Մեղադրականի հրապարակումը, ըստ AP-ի, նրանցից 5 ժամ է խլել: Ք. Հեմինգի դատավճիռը կհրապարակվի այս ամիս: Թե ինչ պատիժ է սպասվում պատգամավորի կնոջը, առայժմ չի հաղորդվում:
2010 թ. Ք. Հեմինգը թաքուն սողոսկել է ամուսնու սիրուհու` Էմիլի Կոքսի տուն ու գողացել նրա չորսամսական կատվին: Կինը ժխտում էր տնային կենդանուն գողանալու հարցում իր մեղքը, սակայն անվտանգության տեսախցիկները ֆիքսել էին` ինչպես է կինը մտել Էմիլիի առանձնատուն ու շինությունից գողացել կատվին:
Հեմինգի պնդմամբ` նա Կոքսի տուն է ներթափանցել ամուսնուն նամակ թողնելու համար, իսկ թե հետո ինչ է կատարվել՝ չի հիշում: Այդ պահի դրությամբ ամուսիններն ապրել են միմյանցից առանձին: «Ամեն ինչ եղել է ինչպես խավարում: Ես դուրս եմ եկել կատվի հետ, դա հիշում եմ, սակայն չեմ հիշում` ինչպես եմ նրան վերցրել»,- հայտարարել է պատգամավորի կինը: Նրա խոսքով` ինքը կատվին հետ է վերադարձրել՝ թողնելով Կոքսի տան մոտ, սակայն կատվի հետագա ճակատագրի մասին ոչինչ առայժմ հայտնի չէ:
The Mirror թերթը գրում է, որ Լեյբորիստական կուսակցության պատգամավոր Ջոն Հեմինգը կատվի գողության պահին եղել է սիրուհու տանը ու ճաշել՝ արտաամուսնական կապից ծնված իր 4-ամյա դստեր հետ: