«Տրոյկա Դիալոգ» ընկերության գլոբալ շուկաների վարչության ղեկավար Պիտեր Գավամին, ով նախկինում եղել է շվեյցարական UBS բանկի նախկին աշխատակից ձերբակալվել է Նյու Յորքի օդանավակայանում: Այդ մասին, ինչպես հայտնում է Gazeta.ru-ն, տեղեկացնում է Swiss Info-ն: Ըստ այդմ, հատուկ ծառայությունները Գավամիին ձերբակալել են օդանավակայանում, Մոսկվայից ժամանելիս: Քննության գործերում նշվում է, որ ֆինանսիստ պաշտոնյան կասկածվում է ներդրումային մեքենայությունների մեջ, որոնք կատարել է մունիցիպալ պարտատոմսերի միջոցով:
«Տրոյկա Դիալոգ» ընկերության մամուլի ծառայությունում Ինտերֆաքս-ԱՖԻ գործակալությանը հայտնել են, որ տեղյակ են ԱՄՆ իրավապահների մեղադրանքներին, որ ուղղված են Պիտեր Գավամիին:
Հիշեցնենք, որ «Տրոյկա Դիալոգ» ընկերության հիմնադիր սեփականատերը հանդիսանում է Ռուսաստանի հայազգի գործարար Ռուբեն Վարդանյանը, ով ներկայում խոշոր ներդրումներ է կատարում Հայաստանում:
