Այսօր Չեչնիայի ղեկավար Ռամզան Քադիրովը, շնորհավորելով Ռուսաստանի քաղաքացիներին Ֆուտբոլի 2018թ. աշխարհի առաջնության անցկացման իրավունքն ստանալու համար, նշել է, որ առաջնության խաղերը կարելի է անցկացնել նաև Չեչնիայում: «Գրոզնիում ավարտվում է սպորտ համալիրի կառուցումը, որը համապատասխանում է համաշխարհային ստանդարտներին: Մարզադաշտը կարող է ընդունել ամենաբարձր մակարդակի խաղեր: Բնական է, որ մենք պետք է առաջարկենք մեր քաղաքը որպես ֆուտբոլային խաղերի անցկացման վայր: Ֆուտբոլը Հյուսիսային Կովկասում սիրում են: Եվ ես վստահ եմ, որ այս հարցի դրական լուծման դեպքում հնարավոր կլինի ֆուտբոլային թիմերում ներգրավվել հազարավոր պատանիների և երիտասարդների»:
Հիշեցնենք, որ երեկ ներկայացված հայտի մեջ Գրոզնին նշված չի եղել:
