«Ոչ ոքի համար գաղտնիք չի, որ այս նստաշրջանի մեջ աենաէական դերն ընձեռվեց Պաղեստինի ճանաչման հարցին ու արաբա-իսրայելական հարցերի քննարկմանը, ինքնին իրավիճակը հետաքրիր է»,- լրագրողների հետ հանդիպմանն ասաց քաղաքական փորձագետ Կարեն Բեքարյանը՝ ներկայացնելով ՄԱԿ-ի ասամբլեայի 66-րդ նստաշրջանի բարձրաստիճան քննարկումները:
«Բոլորի համար հստակ է դառնում, որ ուժի սպառնալիքներով, կոշտությամբ մի ժողովրդի հնարավոր չէ պարտադրել մի վիճակ, որը այդ ժողովուրդը չի ուզում»,- ասաց բանախոսը:
Ելույթների հիմնական շեշտադրման մեջ նա առանձնացրեց ՌԴ արտգործնախարարի ելույթը, որում ասվում էր, որ Ռուսաստանը չի հանդուրժի որևէ ուժի կիրառում տարածաշրջանում: Սա մեզ համար շատ կարևոր է:
Սերժ Սարգսյանի ելույթին անդրադառնալով` Բեքարյանն առանձնացրեց մի քանի շեշտադրումներ` ընդգծելով, որ հայ -թուրքական գործընթացի հետ կապված՝ շատ հստակ շեշտադրումներ են արվել ու մեսիջ է ուղղվել: Երկրորդ՝ Ցեղասպանության Ճանաչման գործընթացում Հայաստանը լինելու է հետևողական, իսկ Ղարաբաղին նվիրված բլոկում պարզ ներկայացված էր մեր դիրքրոշումը, անդրադարձ կատարեց նաև ներքաղաքական վիճակին: «Քաղաքական գիծը՝ Հայաստանի, հիմա առավել քան հստակ է ներկայանում »,- ընգծեց բանախոսը:
Նա շեշտեց Ս. Սարգսյանի` Նյու Յորքում ունեցած հայկական կազմակերպությունների հետ հանդիպման ժամանակ ելույթը, մեջբերեց նրա խոսքն այն մասին, որ եթե Ադրբեջանը շարունակի իր արկածախնդրությունը, դա կարող է արագացնել ԼՂՀ ճանաչումը մեր կողմից:
Անդրադառնալով ռուսաստանյան վերջին դեպքերին` Բեքարյանն ասաց, որ ղարաբաղյան գործընթացում Ռուսաստանի ստանձնած միջնորդի դերը որոշակի փոփոխության կենթարկվի: «Սրանից կարող է հետևել այն, որ այդ հարցում դրոշակակիր կարող է դառնալ Ֆրանսիան»,- ասաց նա` շեշտելով, որ դա շատ բնական կլինի` հաշվի առնելով Ս. Սարգսյանի այցը Ֆրանսիա: