Երեկ Պլովդիվում անցկացվող Եվրոպայի շախմատի ակումբային գավաթի խաղարկությունում կայացան 3-րդ փուլի հանդիպումները: Մեզ համար շատ հետաքրքիր էր «Միկա-Երեւան» տղամարդկանց թիմի հանդիպումը ռուսական «St.Petersburg Chess Club» թիմի հետ: 6 խաղից 5-ն ավարտվել են ոչ-ոքի: Իսկ առաջին տախտակի վրա հանդես եկող մեր Օլիմպիական հավաքականի առաջատար Լեւոն Արոնյանը գեղեցիկ ոճով խաղի 50-րդ քայլին պարտության մատնեց ուկրաինացի առաջատար խաղացողներից մեկին` Վասիլի Իվանչուկին:
Այս խաղից հետո մեր թիմը հինգ թիմերի հետ զբաղեցնում է առաջին հորիզոնականը: Լրացուցիչ միավորներով առաջատարը բոսնիական «Bihac CK» ակումբն է, որի հետ էլ մեր թիմն այսօր կմրցի:
Կանանց մրցաշարում երեկ մեր «Միկա-Երեւան» ակումբը պարտվեց վրացական «Samaia Tbilisi» ակումբին եւ զբաղեցնում է 4-րդ հորիզոնականը:
Կանանց մեր ակումբն այսօր կմրցի սերբական «BAS Beograd» թիմի հետ: