ԱՄՆ ոստիկանությունը սեփական քաղաքացիներին ահաբեկիչներից պաշտպանելու համար ցանկացել է ձերբակալել Քիմ Քարդաշյանին` նրան ահաբեկչի տեղ ընդունելով:
Ամերիկյան լրատվամիջոցները հաղորդում են, որ նա մեքենա վարելիս է եղել Նյու Յորքի ամենահայտնի վայրերից մեկում` Թայմս Սքվերում, երբ ոստիկաններից մեկը պահանջել է նրան կանգնել: Ինչպես հետագայում պարզվել է, ոստիկանները կասկածելի են համարել Քարդաշյանի մեքենան: Ոստիկաններն այս շրջանում առավել ակտիվ են, քանի որ մի քանի անգամ ահաբեկչության փորձեր են իրականացվել հենց Թայմս Սքվերում:
Սակայն երբ Քարդաշյանը հանել է ակնոցը, ոստիկանները միանգամից ճանաչել են նրան, իսկ նրանցից մեկն էլ ասել է, թե նրա երկրպագուն է: Քարդաշյանին խուզարկելու անհրաժեշտություն չի առաջացել: