Քիչ առաջ Հրազդանում ավարտվեց ի պաշտպանություն Սասուն Միքայելյանի և Արամ Բարեղամյանի ցույցը: Ցույցի ժամանակ ունեցած իր ելույթում Գագիկ Ջհանգիրյանը, հրազդանցիներին դիմելով, ասաց, որ նախկին և ներկա քաղբանտարկյալները պարտական են նրանց. «Այստեղ ենք եկել իշխանությանը ցույց տալու համար, բայց ոչ ձեր տեղական իշխանություններին,-Սանասար, Բաղդասար՝ դրանք բոլորն էլ մեզ համար հավասար են: Մենք եկել ենք այս երկրի բարձրագույն իշխանություններին զգուշացնելու համար, որ ինչքան շուտ բաց թողնեն տղաներին, այնքան շուտ կլուծենք իրենց ճանապարհ դնելու հարցը»: Գագիկ Ջհանգիրյանն ասաց, որ տղաներին ազատ արձակելը պայքարի վերջը չի լինելու: «Տղաներին ազատ արձակելով՝ սկսվելու է մեր նոր պայքարը»,- ասաց Գագիկ Ջհանգիրյանը:
