Լոս Անջելեսի «Ասպարէզ» օրաթերթի փոխանցմամբ, հոկտեմբերի 8-ից սկսվել են հեռուստամարաթոնի նախապատրաստական աշխատանքները, որի հեռուստատեսային տարբերակն ուղիղ եթերով կհեռարձակվի նոյեմբերի 25-ին` ամերիկյան Գոհաբանության օրը, եւ կկրի «Ջուրը կյանք է» խորագիրը: Հավաքված գումարն ամբողջությամբ կուղղվի Լեռնային Ղարաբաղի Հանրապետության ոռոգման եւ խմելու ջրագծերը վերանորոգելուն: Այս խնդիրը լրջագույններից է Արցախում եւ առկա է երկրի 200-ից ավելի գյուղերում: Միջին ընտանիքը սպառում է իր օրական պահանջների ընդամենը 40% -ը, իսկ աղբյուրները գտնվում են նրանցից 2-5կմ հեռավորության վրա:
Համահայկական հիմնադրամի Ամերիկայի արևմտյան ափի գրասենյակի ղեկավար Արա Աղիշյանի խոսքերով, «Բոլոր հիվանդությունների 88%-ը կապված է վատ որակի խմելու ջրի հետ»: Ըստ Աղիշյանի` ավելի քան 100.000 ակր գյուղատնտեսական հողեր Արցախում չորանում են ոռոգման ջրերի բացակայության պատճառով: «Տավուշի մարզում իրականացված պիլոտային ծրագրերի արդյունքում հաստատավել է, որ $1 ներդրման պայմաններում ապահավվում է $12 տնտեսական շահույթ»: