Ամերիկացի դիզայներ Ուիլյամ Բրաունը ներկայացրել է էկոլոգիապես մաքուր ինքնաթիռի կոնցեպտ, որը աշխատելու է ջրածնային վառելիքով: Սա թույլ կտա այդ ինքանթիռին առանց վերալիցքավորվելու հասնել աշխարհի ցանկացած վայր: Որպես ինքնաթիռի կառուցվածքի հիմք վերցվել է ավստրալիական թռչուններից մեկի` ճահճային կտցարի կառուցվածքը: Այդ թռչնատեսակը կարողանում է կտրել ամենաերկար տարածությունը բոլոր թռչունների մեջ` Ավստրալիայից Ալյասկա, որը կազմում է 11,680կմ: Այս մասին հաղորդում է The Daily Mail-ը:
Բրաունը այս «ստեղծագործությունը»նվիրել է թռչող սարքեր կառուցող ամենամեծ ընկերությանը` Lockheed Martin-ին: Թևերի հատուկ կառուցվածքի շնորհիվ այն տարբերվում է մյուս ինքնաթիռներից. դրանք թեթևակի թեքված են դեպի ներքև, ինչը թույլ կտա ինքնաթիռին ճախրել օդում նույնիսկ շարժիչների թույլ աշխատանքի դեպքում: