«Ղարաբաղ» կոմիտեի անդամ Աշոտ Մանուչարյանն այսօր լրագրողների հետ հանդիպման ժամանակ անդրադարձավ Ռուսաստանի քաղաքական դաշտում տեղի ունեցած վերադասավորումներին և Պուտինի նախագահ դառնալու հանգամանքին:
Մանուչարյանը նկատեց, որ այս իրավիճակում հետաքրքիր է հետևել և տեսնել, թե վերադասավորումներից հետո որն է լինելու Ռուսաստանի հարցերի հարցը. «Մյուս կարևոր հանգամանքն այն է, թե Հայաստանում ով է լինելու Ռուսաստանի ծառան, ով է Հայաստանում իրականացնելու ռուսաստանյան թալանը»:
Մանուչարյանը նկատեց, որ այժմ ոչ ոք չգիտի, թե ով է ա՛յս Պուտինը և ինչպիսի քաղաքականություն է այժմ նա իրականացնելու. «Մենք դեռ չգիտենք, թե որ Ռուսաստանն է այսուհետ հանդես գալու` նոր ծնվող Ռուսաստանի դրսևորումնե՞րն են լինելու, թե հին` գիշատիչ Ռուսաստանինը»: