«Ինֆորմացիայի ազատության կենտրոնի» կողմից կազմակերպված ամենամյա` ինֆորմացիայի ազատության միջազգային օրվան նվիրված մրցանակաբաշխության ընթացքում ամենահրապարակային պետական կառույց է ճանաչվել ՀՀ կրթության և գիտության նախարարությունը` ստանալով «Ոսկե բանալի» մրցանակը:
Միջազգային մի շարք կազմակերպությունների և «Ինֆորմացիայի ազատության կենտրոնի» ներկայացուցիչներից կազմված մրցութային հանձնաժողովը մրցանակը շնորհել է ԿԳՆ-ին` հաշվի առնելով վերջինիս կողմից ՀՀ «Տեղեկատվության ազատության մասին օրենքի» պահանջների կատարումը:
Ամենափակ կառույցին ավանդական «Ժանգոտ կողպեք» մրցանակը չշնորհվեց, քանի որ ժյուրիի` ամենափակ կառույց ճանաչելուց հետո` անմիջապես հաջորդ օրը, ստացվել է կենտրոնի հարցերի լիարժեք պատասխանը, և կենտրոնը որոշել է չպախարակել կառույցին:
Զավեշտալի պատասխանի համար «Ժանգոտ կողպեքի» արժանացան ՀՀ պետական եկամուտների կոմիտեն և Համալսարանների համատիրությունը:
