Ամերիկացիները որոշել են շիզոֆրենիայով տառապողների համար գրանցել նոր խաղ, որը թույլ կտա այն օգտագործել հոգեկան այդ հիվանդությունը բուժելիս: Ինչպես հաղորդում է New Scientist-ը, Brain Plasticity ընկերությունը համապատասխան հայտ է ներկայացրել ԱՄՆ դեղամիջոցների և սննդամթերքի վարչություն: Այս խաղը թույլ է տալիս մարզել հիշողությունը և ուշադրությունը: Այս պահին խաղի հեղինակները զբաղված են այն կատարելագործելով: 2012 թ. սկզբին նախատեսված է անցկացնել կլինիկական փորձարկումներ, որոնց մասնակցելու են 150 հիվանդներ:
Խաղի հեղինակները մտադիր են ստանալ հապատասխան ատյանների թույլտվությունը այն դեպքում, եթե վեցամսյա փորձը հաջողությամբ ավարտվի: Մասաչուսեթսի տեխնիկական համալսարանի ներկայացուցիչ Դենիել Դարդեին ասել է, որ այս խաղի ներդրումը բուժման գործընթացում նոր մեծ փոփոխությունների կհանգեցնի բժշկական ծառայությունների ոլորտում: Սակայն այլ մասնագետներ նման լավատեսությունը չեն կիսում` հայտնելով, որ ամերիկյան իշխանությունները բժշկական շուկա թույլ կտան միայն այն խաղերը, որոնք անցել են կլինիկական փորձաքննություն:
