Տեքստ Վարչապետ Վլադիմիր Պուտինը հոկտեմբերի 18-ին հայտարարել է, որ կառավարությունն առաջիկա նիստերից մեկի ժամանակ կքննարկի «սեփականաշնորհման ծրագիրը», որի արդյունքում կվաճառվեն մի շարք պետական ընկերություններ: Այս մասին հայտարարում է ռուսական Коммерсант թերթը: Ենթադրվում է, որ վաճառքի կհանվի նաեւ «Աէրոֆլոտ» ավիաընկերությունը: Ինչպես գրում է թերթը, Ռուսաստանի տնտեսական զարգացման նախարար Էլվիրա Նաբիուլինան հանդիպել է «Աէրոֆլոտ»-ի ղեկավարության հետ եւ քննարկել սեփականաշնորհման հնարավորությունը: Ընկերության ղեկավարությունը կողմ է արտահայտվել այս առաջարկությանը: Այս պահին պետությանն է պատկանում «Աէրոֆլոտ»-ի բաժնետոմսերի 51,17%-ը: Մոսկվայի միջբանկային արժութային բորսայում ընկերության կապիտալիզացիան կազմում է $78մլրդ:
Գործարար Ալեքսանդր Լեբեդեւի խոսքերով, պետությունն իրեն կպահի «ոսկե բաժնետոմսը» կամ բաժնետոմսերի արգելափաթեթը: Լեբեդեւը, որը Ազգային պահուստային կորպորացիայի միջոցով տնօրինում է «Աէրոֆլոտ»-ի բաժնետոմսերի 19,5%-ը, մտադիր չէ վաճառել իրեն պատկանող բաժնետոմսերը: