Ռուսական Regnum լրատվական գործակալության փոխանցմամբ՝ Նյու Յորքում գտնվող Թուրքիայի արտգործնախարար Ահմեդ Դավութօղլուն հայտարարել է, որ Ադրբեջանի համապատասխան ցանկության առկայության դեպքում Թուրքիան ղարաբաղյան հակամարտության կարգավորման գործընթացում պատրաստ է ստանձնել միջնորդի դեր՝ այդ խնդրի լուծման և տարածաշրջանում կայունության ապահովման համար.
«Թուրքիան պատրաստ է ամեն տիպի աջակցություն ցուցաբերել ղարաբաղյան հակամարտության կարգավորմանը։ Եթե Թուրքիային հնարավորություն ընձեռվի ակտիվացնել իր դերը ղարաբաղյան հակամարտության կարգավորման գործընթացում, ապա նա կանի ամեն ինչ՝ ադրբեջանական տարածքների ապաօկուպացման և տարածաշրջանում կայունության վերականգնման համար»։
