Անօդաչուների հայտնաբերումից հետո Շվեդիայի խոշորագույն օդանավակայանը դադարեցրել է աշխատանքը

Երկուշաբթի Շվեդիայի ոստիկանությունը հայտնել է, որ գիշերը անհայտ ծագման 4 անօդաչու է հայտնաբերվել Արլանդի օդանավակայանում։ Ոստիկանությունը հետաքննություն է սկսել։

Գիշերը 02։00-ի սահմաններում օդանավակայանը դադարեցրել է աշխատանքը, 03։30-ի սահմաններում վերսկսել է ավիահաղորդակցությունը։

Ոստիկանության ներկայացուցիչը մանրամասներ չի հայտնել՝ անվտանգության նկատառումներից ելնելով։