Irna-ն հայտնում է, որ Իրանի նախագահ Մասուդ Փեզեշքը չի շաբաթասկզբին կմեկնի Իրաք։ Ավելի վաղ այդ մասին խոսել է Իրաքում Իրանի դեսպան Մոհամեդ Կասեմ ալ-Սադեթը՝ ընդգծելով, որ այցը կկայանա Իրաքի վարչապետ Մոհամեդ Շիա ալ-Սուդանիի հրավերով։
Իրանի նախագահի Իրաք այցը նախատեսված էր ամիսներ առաջ։ Տեղեկություն կար, որ Էբրահիմ Ռեիսին եւ ալ-Սուդանին պետք է ստորագրեն այսպես կոչված «Փոխըմբռնման մասին հուշագիր»։ Այլ մանրամասնություններ հայտնի չեն։ Ըստ երեւույթին, այդ կամ նման փաստաթուղթ կարող է ստորագրվել Փեզեշքիան-ալ-Սուդանի բանակցություններից հետո։
Բայց Ռեիսիի ուղղաթիռի խորտակումից հետո «շատ ջրեր են հոսել»։ Խոսքը, մասնավորապես, թուրք-իրաքյան համաձայնությունների մասին է, որոնք, hoewel վերաբերում են տարածաշրջանում քրդական «ահաբեկչության դեմ համատեղ պայքարին», խորքային առումով շոշափում են նաեւ Իրանի ազգային-պետական շահերը։
Վերջին շրջանում թուրքական եւ ադրբեջանական փորձագետները թե անուղղակի, թե շատ բացահայտ Իրանին մեղադրում են Թուրքիա-Իրաք համագործակցությունը «խոչընդոտելու» մեջ։ Նման քարոզչություն գեներացնելու առիթ է դարձել օգոստոսի 26-ին Իրաքի ՀՕՊ ուժերի կողմից Կիրկուկի շրջանում Թուրքիայի հետախուզական ԱԹՍ-ի խոցումը։
Բաքվի լրատվամիջոցների տեղեկություններով՝ իսկ աղբյուրն անկասկած թուրքական մամուլն է՝ այդ «հանդուգն որոշումն ընդունել է» Իրաքի ռազմաօդային եւ ՀՕՊ ուժերի բարձրաստիճան ներկայացուցիչ գեներալ Համուդինը։
Վերջինս Իրաքյան զինված ուժերում ծառայության է անցել 2005 թվականին, երբ կառավարությունն օրենքով արտոնել է, որ շիադավան զինված խմբավորումների ներկայացուցիչներն ընդգրկվեն զինված ուժերում։
Մերձավոր Արեւելքում «շիադավան աղեղի» հովանավորն Իրանն է։ Այս իրողությունը նկատի ունենալով՝ թուրք-ադրբեջանական քարոզչությունը գեներալ Համուդիին անվանում է «իրանամետ» կամ նույնիսկ «Իրանի ազդեցության տակ գտնվող» զինվորական եւ ենթադրում, որ նա թուրքական ԱԹՍ խոցելու հրաման է տվել, որպեսզի թուրք-իրաքյան համագործակցությունը ձախողվի։
Թուրքիան Իրաքի կառավարությունից կտրուկ պահանջել է ԱԹՍ-ն խոցելու համար «բոլոր պատասխանատուներին պատժել»։ Որոշ տեղեկություններով՝ գեներալ Համուդին զբաղեցրած պաշտոնից հեռացվել է կամ նույնիսկ «կալանավորվել»։ Իրաքի ՀՕՊ ուժերի հրամանատարությունը, սակայն, պաշտոնապես հայտնել է, որ թուրքական ԱԹՍ-ն խախտել է օդային սահմանը եւ «արձանագրությամբ նախատեսված կարգով զգուշացվել, բայց չի ենթարկվել, որից հետո միայն խոցվել է»։
Մասուդ Փեզեշքիանը Բաղդադ է մեկնում թուրք-իրանական հարաբերությունների բացահայտ սառնության եւ թուրք-իրաքյան մերձեցման պայմաններում։ Նրա եւ Իրաքի վարչապետ ալ-Սուդանիի բանակցություններում, ամենայն հավանականությամբ, քննարկվելու է նաեւ Սիրիա-Թուրքիա հավանական հաշտության խնդիրը։
Իրաքի եւ Իրանի հարաբերություններում, իհարկե, առկա է անցյալ դարի արյունալի պատերազմի, դրա հետեւանքների խնդիրը: Իրաքը փաստացի ամբողջական պետություն չէ, երկրի հյուսիսում քրդական ինքնավարություն է, ներկա են ամերիկյան զորքեր, ինչպես նաեւ իսրայելական «Մոսադի» հետախուզա-դիվերսիոն կենտրոններ եւ Իրանի ազդեցության տակ գործող շիադավան զինված խմբավորումներ: Իրաքն Իրանի արեւմտյան դարպասն է: Օրերս Իրանի արտգործնախարար Արաղչին երկրին սպառնացող ուղղություն է համարել նաեւ արեւմտյան ռազմա-անվտանգային գիծը, որտեղ նաեւ Թուրքիան է: Փեզեշքիանին կահաջողվի՞ պահել շաիադավան աղեղի իրաքյան հատվածը:
