ՌԴ ԱԳՆ-ն մատնանշել է, թե Հայաստանի պատմության նոր դասագրքերում Ռուսաստանի դերը խեղաթյուրվել է։
«Ուշադրություն ենք հրավիրել Հայաստանի դպրոցների 8-րդ դասարանի պատմության դասագրքի խիստ կասկածելի բովանդակության վրա, որի տեքստը հրապարակվել է ՀՀ կրթության, գիտության, մշակույթի և սպորտի նախարարության ենթակա կառույցի պաշտոնական կայքում։ Գրքի թվային տարբերակը հասանելի է 2024/2025 ուսումնական տարվա ուսումնասիրության և պատվիրման համար։ Գլուխներից մեկում՝ «Արևելյան Հայաստանի բռնի միացումը Ռուսաստանին» սադրիչ վերնագրի ներքո, խեղաթյուրված են ներկայացված 18-րդ դարի վերջի – 19-րդ դարի սկզբի Հարավային Կովկասի իրադարձությունները։
Մասնավորապես, վերանայման ենթակա էին 1826-1828 թվականների ռուս-պարսկական պատերազմի արդյունքների գնահատականները։ Թուրքմանչայի խաղաղությունը կոչվում է ոչ պակաս, քան Արևելյան Հայաստանի «բռնակցում»։ Նման ներկայացումն ընդունակ է տարակուսանք առաջացնել ցանկացած պատմաբանի մոտ
Հուսով ենք՝ Հայաստանի իշխանությունները թույլ չեն տա, որ նման դասագիրքը հայտնվի դպրոցներում, ինչպես նաև աչք չեն փակի մեր ընդհանուր անցյալը խեղաթյուրելու նման անարատ փորձերի վրա»,- ասված է ԱԳՆ հայտարարությունում։
