Ավելի քան տասը խաղաղ բնակիչ է զոհվել, երբ Իսրայելի պաշտպանության ուժերը (ՑԱԽԱԼ) գնդակոծել են Գազայի հատվածի կենտրոնական Ալ Բրիջ ճամբարի բնակելի թաղամասը։ Այս մասին հայտնում է «ՌԻԱ Նովոստի»-ն՝ վկայակոչելով Գազայի հատվածի բժշկական ծառայությունների աղբյուրի փոխանցած տեղեկությունը։«Իսրայելցիների կողմից Գազայի հատվածի կենտրոնական մասում գտնվող Ալ Բրիջ ճամբարի բնակելի թաղամասի գնդակոծության հետևանքով 12 մահացած, այդ թվում՝ երեխաներ, տեղափոխվել են Ալ Աուդա հիվանդանոց, որը գտնվում է Նուսեյրաթ ճամբարում», – ասել է աղբյուրը։
Վերջինս հավելել է, որ վիրավորներից մի քանիսը տեղափոխվել են Դեյր ալ Բալահ քաղաքի «Ալ Աքսա նահատակների» հիվանդանոց՝ ընդգծելով, որ, չնայած բժշկական սահմանափակ հնարավորություններին և դեղերի սղությանը, հիվանդանոցի անձնակազմը շարունակում է բուժօգնություն ցուցաբերել իսրայելական հարվածներից տուժած մեծ թվով մարդկանց։
