Իսրայելի արտաքին գործերի նախարար Իսրայել Կացը հայտարարել է, որ Յահյա Սինվարի նշանակումը ՀԱՄԱՍ ահաբեկչական խմբավորման առաջնորդի պաշտոնում ապացուցում է, որ «պաղեստինյան հարցն այժմ ամբողջությամբ վերահսկվում է Իրանի և Համասի կողմից»․
«Առանց Գազայում իսրայելական գործողությունների՝ այդ տարածքն ամբողջությամբ կանցնի ՀԱՄԱՍ-ի վերահսկողության տակ: Հրեաստանում և Սամարիայում Աբասը և Պաղեստինի իշխանությունները գոյատևում են միայն Համասի և Իսլամական ջիհադի ենթակառուցվածքների դեմ Իսրայելի ինտենսիվ ռազմական գործողությունների շնորհիվ, որոնք աջակցվում և առաջ են մղվում Իրանի կողմից», – գրում է նա X-ում:
Կացը Իրանին մեղադրել է մաքսանենգ ճանապարհով զենք տեղափոխելու մեջ․ «Դա արվում է Հորդանանի ռեժիմը ապակայունացնելու և այնուհետ Հրեաստանում և Սամարիայում փախստականների ճամբարները և ողջ տարածքը զենքով ու ֆինանսավորմամբ ողողելու, ինչպես նաև արևելքից Իսրայելի բնակչության հիմնական կենտրոնների դեմ մեկ այլ ահաբեկչական ճակատ ստեղծելու համար», ասել է նա։
