Ճապոնիայի վարչապետ Ֆումիո Քիսիդան հրամայել է մինչև ամառվա վերջ ակտիվացնել սահմանադրությունը փոփոխելուն ուղղված ջանքերը, որոնք պետք է ամրագրեն ազգային ինքնապաշտպանական ուժերի կարգավիճակը:
«Մեր երկրի հիմնական օրենքում մենք պետք է հստակ նշենք պետության կարևորագույն պարտականությունը՝ պաշտպանել իր քաղաքացիների կյանքը։ Սահմանադրությունը պետք է հստակ սահմանի «արտակարգ դրության» հայեցակարգը, որը կառավարությունը կարող է հայտարարել երկրի վրա հարձակման, լայնածավալ բնական աղետի կամ վարակիչ հիվանդության համաճարակի դեպքում։ Հասարակության համար կարևոր է որոշել՝ ներառե՞լ արտակարգ դրության և ինքնապաշտպանության ուժերի մասին դրույթները սահմանադրության մեջ, թե՞ ոչ», – նշել է Քիսիդան:
