ԱՄՆ-ը վստահ չէ, թե կոնկրետ երբ Իրանը մտադիր է հարվածել Իսրայելին. Axios հրատարակության համաձայն՝ պետքարտուղար Էնթոնի Բլինքենն այս մասին ասել է G7-ի դաշնակիցներին։ Վաշինգտոնը հարձակում է ակնկալում 24-48 ժամվա ընթացքում։ Բլինքենը հանդիպում է հրավիրել մերձավոր դաշնակիցների հետ գործողությունները համակարգելու համար, հաղորդում է Axios-ը:
Նրա խոսքով՝ երկրները պետք է դիվանագիտական ճնշում գործադրեն Իրանի եւ Հեզբոլլահի վրա՝ նվազագույնի հասցնելու հետեւանքները։ Ինչպես կարծում է պետքարտուղարը, սա «տոտալ պատերազմը կանխելու լավագույն հնարավորությունն է»։
Ըստ հրապարակման՝ ԱՄՆ արտաքին քաղաքական գերատեսչության ղեկավարը հայտնել է, որ ԱՄՆ-ի ջանքերն ուղղված են «էսկալացիայի արատավոր շրջանակը» կոտրելուն։ Վաշինգտոնը փորձում է սահմանափակել Իրանի և Հեզբոլլահի հարձակումները և զսպել Իսրայելի պատասխանը:
