Իսրայելական բանակը հայտարարել է Լիբանանում «Հեզբոլլահ»-ի թիրախների վրա նոր հարձակումների մասին

Իսրայելական զինուժը նոր հարձակումներ է իրականացրել Լիբանանի հարավային շրջանների վրա, հայտնում է բանակի մամուլի ծառայությունը։ Նրանց թիրախը շիական «Հեզբոլլահ» կազմակերպության ռազմական ենթակառուցվածքներն էին և նրա զինված կազմավորումների անդամները։

Գիշերը Իսրայելի ռազմաօդային ուժերը հարձակվել են «Հեզբոլլահ»-ի ռազմական ենթակառուցվածքների վրա՝ հարավային Լիբանանի Ալ-Թեյբ և Ռաբ-Թալիաթին բնակավայրերի մերձակայքում, հայտնում է մամուլի ծառայությունը։