2011 թ. 1-ին կիսամյակի ընթացքում ՀՀ ոստիկանության կողմից վարույթ է իրականացվել մարդկանց թրաֆիքինգի, շահագործման հատկանիշներով քրեական 10 գործերով, որոնցից 5-ը` նախկինում հարուցված և 2011 թ. փոխանցված գործեր են, 2-ը` վերսկսվել են հետախուզվողների հայտնաբերման կապակցությամբ, 1 գործ 2010 թ.-ին հարուցվել էր ՀՀ քր.օր.-ի 262-րդ հոդվածով, փոխանցվել 2011 թ., այնուհետև վերաորակվել է 132-րդ հոդվածի, իսկ մյուս 2 գործերը 2011 թ. հարուցված, նոր գործեր են:
Նշված 10 գործերից 8-ը վերաբերել են կանանց սեռական շահագործմանը, 1-ը՝ ՀՀ-ում անչափահասի շահագործմանը` մուրացկանության մեջ ներգրավելու միջոցով, իսկ ՀՀ ԿԱ ԱԱԾ-ում վերսկսված գործը` ՌԴ-ում ՀՀ քաղաքացիների աշխատանքային շահագործմանը: Պոռնկության շահագործման 8 գործերից 5-ը ներքին թրաֆիքինգի կամ շահագործման դեպքեր են, 3-ի շահագործումը իրականացվել է ԱՄԷ-ում:
Նշված գործերով հայտնաբերվել և տուժող են ճանաչվել նոր` 8 զոհեր, որոնցից 7-ը՝ կանայք են, 2-ը` հանցագործության կատարման ընթացքում եղել են անչափահաս:
