Միացյալ Նահանգների պետքարտուղար Հիլարի Քլինթոնը շնորհավորական ուղերձ է հղել Հայաստանի անկախության 20-ամյակի կապակցությամբ, որում, մասնավորապես, ասվում է.
«Նախագահ Օբամայի և Միացյալ Նահանգների ժողովրդի անունից ուրախ եմ բարեմաղթանքներ հղել Հայաստանի ժողովրդին՝ մինչ դուք նշում եք ձեր Անկախության օրվա 20-րդ տարեդարձը սեպտեմբերի 21-ին:
Միացյալ Նահանգները գնահատում է հարաբերությունները Հայաստանի հետ, որոնք հիմնված են փոխադարձ հարգանքի և շահերի վրա։ Մենք միասին աշխատում ենք նվազեցնել աղքատությունը, ընդարձակել առևտուրն ու ներդրումները, խթանել քաղաքացիական հասարակության խմբերի աշխատանքը, և ավելի հասանելի դարձնել առողջապահությունը:
Մենք հարգում ենք Հայաստանի հարուստ մշակութային ժառանգությունը և վերահաստատում ենք Միացյալ Նահանգների հավատարմությունը՝ ուժեղացնելու համագործակցությունը երկու երկրների միջև։ Եթե դուք այս տոնը նշում եք ձեր ընտանիքի անդամների, հարազատների, սիրելիների հետ, ապա իմացեք,որ Միացյալ Նահանգները գործընկեր է և ընկեր։
