Google-ը գործարկել է նոր ծառայություն, որը թույլ է տալիս ավիատոմսեր գտնել ամենահարմար առաջարկներով: Այս մասին գրում է The Los Angeles Times-ը: Ընկերությունում վկայում են, որ այս ծառայությունը մշակում է հասանելի բոլոր առաջարկները և ներկայացնում դրանցից ամենաշահավետը: Այս ծրագիրը դեռ մշակում է ԱՄՆ ներսում էկոնոմ դասի տոմսերի առաջարկները և չի գործում, եթե հաճախորդին պետք է մեկ տոմս մեկ ուղղությամբ: Սակայն Google-ը նախատեսում է, որ ծառայությունը ժամանակի ընթաքցում նոր գործիքներ ձեռք կբերի:
Google-ը կես տարի առաջ գնել է ամերիկյան մի ընկերություն, որը ավիատոմսերի տեղեկությունների մշակման ծրագրեր է ստեղծում: Փորձագետները կարծում են, որ առաջիկայում Google-ի նոր ծրագիրը պետք է ապացուցի իր կենսունակությունն արդեն գոյություն ունեցող ծրագրերի հետ մրցակցությունում:
