Ադրբեջանի և Բելառուսի նախագահներ Իլհամ Ալիևը և Ալեքսանդր Լուկաշենկոն Աստանայում ընթացող ԵԱՀԿ գագաթնաժողովի շրջանակներում քննարկել են համատեղ ձեռնարկությունների ստեղծման հարցեր, էներգետիկայի ոլորտում համագործակցության հեռանկարները: Ինչպես տեղեկացնում են ադրբեջանական գործակալությունները` կողմերը գոհունակություն են հայտնել երկու երկրների միջև կապերի զարգացման կապակցությամբ: Հանդիպմանը Ալիևը և Լուկաշենկոն հավաստիացրել են երկու պետությունների միջև հաստատված գործընկերային ու բարեկամական հարաբերությունները զարգացնելու պատրաստակամության մասին: