Ղրղզստանի նախագահ Սադիր Ջապարովն ասել է, որ չի վախենում երկրում տեղի ունեցող հանրահավաքներից և մտադիր չէ թաքնվել դրանց մասնակիցներից։
«Մենք ցույցերից չենք վախենում, ես նրանցից չեմ, որոնք կփախչեն կամ կթաքնվեն, երբ տեսնեմ նրանց, որոնք եկել են հանրահավաքի՝ իրենց անձնական շահերը հետապնդելու համար», – ասել է նա Ղրղզստանի պետական «Խաբար» լրատվական գործակալությանը տված հարցազրույցում։
Անցած շաբաթվա ընթացքում Ղրղզստանում մի քանի ցույց է տեղի ունեցել՝ ի պաշտպանություն կոռուպցիոն սխեմաների կասկածանքով կալանավորված նախկին պաշտոնյաների։ Ցուցարարները պահանջում են դադարեցնել նախկին պաշտոնյաների նկատմամբ հետապնդումները՝ նրանց կալանավորումը համարելով քաղաքական հետապնդում։
