Ղազախստանի նախագահ Նուրսուլթան Նազարբաևը, որը Աստանայում հյուրընկալել է ԵԱՀԿ գագաթնաժողովը, այսօր դիմել է գագաթնաժողովին մասնակից պետությունների ներկայացուցիչներին` կոչ անելով դրսևորել կառուցողականություն գագաթնաժողովի վերջնական փաստաթուղթը մշակելիս և ընդունելիս: «Հույս եմ հայտնում, որ հռչակագրի մնացյալ խնդիրները քննարկելիս մենք կհամաձայնեցնենք դրանք, կհաղթահարենք տարաձայնությունները, կհասնենք կոնսենսուսի, ինչպես միշտ եղել է: Դա համապատասխանում է բարձր մակարադակով այս հանդիպման շահերին, բոլոր ժողովուրդների և պետությունների շահերն»,- ասել է Նազարբաևը` բացելով հինգշաբթի օրվա նստաշրջանը: Նա խնդրել է պատվիրակությունների ղեկավարների հստակ ցուցումները «հռչակագրի նախագծի աշխատանքները հաջողությամբ ավարտելու համար»: Սակայն հայտնի է, որ Ռուսաստանն արդեն ասել է, որ չի պաշտպանի հռչակագրի ընդունումը, եթե այնտեղ տեղ գտնեն «Վրաստանի հետ հակամարտության» վերաբերյալ դրույթներ: Լավրովը հայտարարել է, որ ռուսական կողմը պատրաստ է վերջնական փաստաթղթում պաշտպանել Ժնևյան քննարկումներին աջակցելու վերաբերյալ դրույթը, սակայն չի կարող համաձայնել, որ այդ քննարկումները վերաբերում են հակամարտություններին Վրաստանի տարածքում, քանի որ, Վրաստանի հետ մեկտեղ, քննարկումներին մասնակցում են Աբխազիան և Հարավային Օսիան: Այն փաստը, որ Աբխազիան և Հարավային Օսիան մասնակցում են այդ բանակցություններին, հաստատում է նրանց անկախությունը:
