Ադրբեջանական APA լրատվական գործակալությունը, վկայակոչելով Reuters-ին, հայտնում է, որ Ֆրանսիայի նախագահ Նիկոլա Սարկոզին հոկտեմբերի 6-7-ը պաշտոնական այցով ժամանելու է Հարավային Կովկաս։
Իր հարավկովկասյան շրջագայության շրջանակներում Սարկոզին հանդիպումներ է ունենալու Հայաստանի, Վրաստանի ու Ադրբեջանի նախագահների հետ։ Այդ հանդիպումներում կողմերը քննարկելու են երկկողմանի հարաբերությունների զարգացմանը, տարածաշրջանային հակամարտություններին, այդ թվում՝ նաև ղարաբաղյան հակամարտության կարգավորմանն առնչվող խնդիրներ։
Հիշեցնենք, որ ավելի վաղ նշվում էր, թե Սարկոզին Հարավային Կովկաս է այցելելու սեպտեմբերի վերջին։
