Ադրբեջանական APA լրատվական գործակալության փոխանցմամբ՝ Ադրբեջանի նախագահ Իլհամ Ալիևը Չեռնոգորիայի նախագահ Ֆիլիպ Վույանովիչի հետ հանդիպումից հետո կազմակերպված մամլո ասուլիսում անդրադարձել է ղարաբաղյան հակամարտության կարգավորմանը.
«Մենք հուսով ենք, որ մոտ ժամանակներս վերջ կտրվի այդ անարդարությանը, կվերականգնվի միջազգային հանրության կողմից ճանաչված Ադրբեջանի տարածքային ամբողջականությունը, կիրագործվեն ադրբեջանական տարածքներից հայկական զորքերի անհապաղ դուրսբերման մասին ՄԱԿ-ի ԱԽ 4 բանաձևերը և դրանով իսկ Ադրբեջանի քաղաքացիները կվերադառնան իրենց տները։
Այս խնդիրը վտանգ է ներկայացնում ոչ միայն Ադրբեջանի, այլև՝ ողջ տարածաշրջանի, համայն աշխարհի համար։ Ղարաբաղյան հակամարտության շուտափույթ կարգավորումը պետք է բխի բոլոր երկրների շահերից»։
Հիշեցնենք, որ Վույանովիչի ադրբեջանական այցի շրջանակներում երկու երկրները կնքել են մի շարք համաձայնագրեր, որոնք վերաբերում են մշակութային, զբոսաշրջային, ներդրումային և տնտեսական ոլորտներում երկկողմանի համագործակցության զարգացմանը։
