Գերմանական Մյունհեն քաղաքը պատրաստվում է գերմանացիների ամենասիրած տոներից մեկին` Օքթոբերֆեստին: Այն անցկացվելու է սեպտեմբերի 17-ից հոկտեմբերի 3-ն ընկած ժամանակահատվածում: Առաջին անգամ տոնն անցկացվել է 1810 թ. հոկտեմբերին՝ Բավարիայի ապագա թագավոր, արքայազն Լյուդովիկոսի հարսանեկան արարողության ժամանակ:
14-ամյա արքայազնին այնքան են դուր եկել իր ամուսնության կապակցությամբ կազմակերպված արարողությունները, որ նա հրահանգել է այն անցկացնել ամեն տարի: Այս ավանդույթն ընդհատվել է մի քանի անգամ՝ խոլերայի համաճարակի և Համաշխարհային պատերազմների ժամանակ:
Տոնն ուղեկցվում է տոնական երթով, պարերով, գարեջրի և խոզի տոտիկների համտեսմամբ և այլն: Այս տարին նախորդներից տարբերվում է նրանով, որ վրաններում, որոնք տեղակայվում են հատուկ այս արարողության համար և որոնք կարող են տեղավորել մինչև 10 հազար մարդ, արգելվել է ծխելը:
