2010 թ. հունվար-սեպտեմբերին տնտեսության իրական հատվածում օտարերկրյա
ներդրումների հոսքերի ծավալը (առանց պետական կառավարման և բանկային համակարգով ստացվածի) կազմել է 472.2 մլն դոլար, որը 2009 թ. նույն ժամանակաշրջանի համեմատ նվազել է է 9.5%-ով, որից ուղղակի ներդրումների ծավալը կազմել է 348.7 մլն դոլար և նվազել 9.3%-ով: 2010 թ. հունվար-սեպտեմբերին ուղղակի ներդրումների 0.01%-ը կամ 44.9 հազ. դոլարը կազմել են ՀՀ ոչ ռեզիդենտ կազմակերպություններին ՀՀ ռեզիդենտ կազմակերպությունների սեփականաշնորհումից ստացված միջոցները (2009 թ. նույն ժամանակահատվածում նման գործառնություն չի իրականացվել): 2010 թ. հունվար-սեպտեմբերին իրական հատվածում կատարված օտարերկրյա ներդրումների 35.12%-ը, իսկ ուղղակի ներդրումների՝ 24.64%-ն ուղղվել են էլեկտրականության, գազի, գոլորշու և լավորակ օդի մատակարարման ոլորտ: Ուղղակի ներդրումների 42.07 %-ն իրականացվել է հեռահաղորդակցության, իսկ 6.68%-ը`ցամաքային տրանսպորտի գործունեություն և խողովակաշարերով փոխադրման ոլորտներում։