Իրանական «Քեյհան» օրաթերթի հոդվածագիրներից՝ Սաադոլահ Զարեին, «Ռաջա Նյուզ» կայքում գրած իր մեկնաբանության մեջ անդրադառնալով վերջերս Թեհրանում իրանցի երկու գիտնականների ահաբեկման դեպքին, գրում է. «Թեհրանում կատարված ահաբեկչությունները Իրանի և «վեցյակի» միջև կայանալիք բանակցությունների նախօրեին են տեղի ունեցել: Արևմտյան պետությունները նպատակ ունեն, նախքան բանակցությունների վերսկսումը, նվաստացնել և թուլացնել Իրանի դիրքերը: Նրանք մտադիր են, Իրանի ներքին կյանքն անկայուն դարձնելով, թույլ չտալ, որ բանակցությունների ընթացքում Իրանը հնարավորություն ունենա Աֆղանստանում և Իրաքում Արևմուտքի վարած քաղաքականություններն ու հիշյալ երկրների անկայուն իրավիճակները քննադատության ենթարկել: Հետևաբար, Թեհրանի դեմ ահաբեկչությունների ձգանը արձակվեց հենց Շվեյցարիայից, որտեղ պիտի տեղի ունենան Իրանի ու «վեցյակի» բանակցությունները:
