Սեպտեմբերի 13-ին, ժամը 18.00-ին, 27-ամյա մի երիտասարդ ոստիկանության Երևան քաղաքի վարչությունում հաղորդում էր տվել, որ ժամը 11.30-ի սահմաններում Էրեբունու փողոցում գտնվող գյուղմթերքների շուկայի դիմաց ոմն Հրայր ձեռքերով հարվածել է իր գլխին, հափշտակել երկու բջջային հեռախոս ու դիմել փախուստի:
Ոստիկանության ծառայողների ձեռնարկած միջոցառումների շնորհիվ պարզվել է, որ Հրայրը 42-ամյա Հրանտ Բաղրամյանն է, որը սեպտեմբերի 15-ին բերման է ենթարկվել Երևան քաղաքի վարչություն:
Կատարվում է նախաքննություն: