«Սպունգ Բոբ» հայտնի մուլտհերոսը շատէ դուր գալիս երեխաներին և գլխացավանք առաջացնում նրանց ծնողների մոտ: Սակայն վերջերս կատարված ուսումնասիրությունները վկայում են, որ Բոբն իրականում մեծ վնաս է հասցնում երեխաներին:
Վիրջինիայի համալսարանի գիտնականները, որոնք անցկացրել են համապատասխան հետազոտություն, պարզել են, որ մեծ արագությունն ու աղմուկը, որով խոսում ու շարժվում են այդ մուլտֆիլմի հերոսները, 4-ամյա երեխաների մոտ հանգեցնում են կենտրոնացման և ուշադրության խանգարման: Այլ կերպ ասած՝ նրանց մոտ առաջանում է ուշադրության և հիպերակտիվության պակաս: «Այդ մուլտֆիլմը նայելուց հետո երեխաների մոտ կորում է կրթվելու ցանկությունը»,- ասում են հետազոտության հեղինակները:
Այս փորձի ընթացքում այն երեխաների մոտ, ովքեր չէին դիտում մուլտֆիլմը, այլ մեկ ուրիշ մանկական հաղորդում էին նայում, չի նկատվել ուշադրության այն աստիճանի կորուստ, որքան «Սպունգ Բոբի» սիրահարների մոտ: Մուլտֆիլմի հեղինակներն ասում են, որ այն նախատեսված է 6-ց բարձր տարիքային խմբի երեխաների համար` հավելելով, որ եթե նման ուսումնասիրություններ նախկինում անցկացվեին, ապա աշխարհը կզրկվեր դասական մուլտֆիլմերի մի մասից:
