Իրանական Fars գործակալության հաղորդմամբ՝ լրտեսության մեջ մեղադրվող ձերբակալված երկու ամերիկացի երիտասարդներ Շեյն Բաուվերն ու Ջաշ Ֆաթալը, վերաքննիչ դատարանի որոշմամբ, կես միլիոն ԱՄՆ դոլարի գրավի դիմաց ազատ են արձակվել բանտից:
Մինչ այդ իրանական դատարանը լրտեսության մեղադրանքով 16 տարվա ազատազրկման էր դատապարտել երկու ամերիկացիներին:
Fars-ի փոխանցմամբ, Իրանի նախագահ Մահմուդ Ահմադինեժադը ամերիկյան NBC հեռուստաընկերության հետ զրույցում հայտարարել է այդ մասին և հավելել, որ Շեյն Բաուվերն ու Ջաշ Ֆաթալը մոտ օրերս գրավի դիմաց ազատ կարձակվեն:
Հիշեցնենք, որ ամերիկացի երեք լեռնագնացներ՝ Ջաշ Ֆաթալը, Շեյն Բաուվերն ու Սառա Շուրդը, 2009-ի հուլիսին ձերբակալվել էին Իրանի և Իրաքի սահմանագծին: Իրանցի սահմանապահները պնդում էին, որ նրանք անօրեն հատել են Իրանի սահմանը: Անցյալ տարի Սառա Շուրդը նույնպես 500 հազար դոլարի գրավի դիմաց ազատ արձակվեց ու հայրենիք վերադարձավ:
