Հանուն Հանրապետության կուսակցության Արման Բաբաջանյանը ֆեյսբուքյան իր էջում գրել է. Ինձ որևէ մեկը չի կարող համոզել, որ Պաշտպանության բանակի նախկին նախարար Լևոն Մնացականյանը, ԱԳ նախկին նախարար Դավիթ Բաբայանն ու ՊԲ նախարարի տեղակալ Դավիթ Մանուկյանը Հայաստան հասնելու անվտանգ տարբերակ չեն ունեցել։ Պետական կարևորագույն գաղտնիք տիրապետող սույն նախկին և գործող պաշտոնյաների հանձնվելը Բաքվի բռնապետին մեծ, չափազանց մեծ վտանգներ է հարուցելու Հայաստանի գլխին։
Ինչպե՞ս Բակո Սահակյանին, Արկադի Ղուկասյանին, միջազգային հետախուզման մեջ գտնվող Արայիկ Հարությունյանին հաջողվեց Հայաստան հասնել, իսկ Լևոն Մնացականյանին, Դավիթ Բաբայանին և Դավիթ Մանուկյանին՝ ոչ։
Դավիթ Բաբայանը որ այդպես խրոխտ բարձրանում էր Շուշի, մոտավորապես պատկերացնո՞ւմ է, թե ինչ ծավալի գաղտնիքների է տիրապետում, և թե այդ գաղտնիքները ինչպես է թշնամին օգտագործելու Հայաստանի դեմ։
Կամ Զինվորական շքերթ ընդունած ՊԲ նախաարր Լևոն Մնացականյանը մոտավորապես պատկերացնո՞ւմ է, թե ինքը ինչ տեղեկություններ է տիրապետում քառօրյայի և 44-oրյայի կապակցությամբ և այդ ողջ տեղեկատվությունը ինչ պատուհաս է դառնալու և ինչ թանկ է նստելու Հայաստանի վրա։
Երևանից նախընտրեցիք Բաքուն, դավաճաններ, որ Գրանադայից առաջ Բաքվում ասեք, թե վերջին օրերին տեղի ունեցածը ուժի կամ դրա սպառնալիքի տակ չի եղել։
Պատկերացում կա՞, որ էս երեքի Բաքվի բանտում գտնվելն ամբողջությամբ լեգիտիմացնելու է Հայաստանի մասին այն բոլոր պնդումներն ու թեզերը, որ արել է Ալիևը միջազգային բոլոր հարթակներից։
Պատկերացում կա՞, որ սա իր հերթին ռազմական սպառնալիք և նյութական ինչպիսի բեռ է հարուցելու Հայաստանի գլխին։
Դուք կհարցնեք՝ ինչպես լքեին Արցախի տարածքը։ Թող օգտվեին այն ուղղաթիռներից որոնք օրեր առաջ մի քանի անգամ Ստեփանակերտից ծանր հիվանդներ տեղափոխեցին Հայաստան։ Ադրբեջանը ոչ մի խոչընդոտ չի հարուցե մեր բժիշկների աշխատանքին։ Անհրաժեշտ էր կոմունիկացնել Հայաստանի հետ և այդ փոքր լուսանցքից օգտվել։
