Արտաքին դիվանագիտության մեջ տնտեսական բաղադրիչը ներառված չէր։ «Առաջին լրատվական»-ի հետ զրույցում նշեց տնտեսագետ-վերլուծաբան Գործատուների, հանրապետական միության նախագահ Գագիկ Մակարյանը։
Մակարյանի խոսքով՝ եվրոպացի մի պաշտոնյա ասել է՝ առանց ադրբեջանական գազի ԵՄ էկոնոմիկան կենթարկվի կոլապսի. «Հայաստանը արտոնյալ պայմաններով եվրոպական ընկերություններին կարող էր հրավիրել մեր երկիր ներդրումներ կատարելու։ 100 միլիոն եվրոյով կարող էինք հարյուր գործարան բերել, Եվրոպան կշոյվեր։ Մենք ՌԴ-ից շատ կախված ենք։ Ամերիկա արտահանելու համար հարկավոր է ընկերություններին օգնել։ Դեպի ՌԴ կոնյակի արտահանման հետ կապված կան արդեն խնդիրներ, հերթը կհասնի պահածոներին ու այլ արտադրանքներին։ Եվրոպական շուկա մտնելու համար հայկական ընկերությունները պետք է անցնեն սերտիֆիկացման. բանակցություններ են պետք։ Քաղաքական կոնֆլիկտների և տնտեսական խնդիրների հարթողը դիվանագիտությունն է, աշխատանք է պետք»։
