ՌԴ-ի համար անսպասելի էր Հայաստանի կողմից սեփական շահերի հետապնդումը։ «Առաջին լրատվական»-ի հետ զրույցում նշեց Ժուռնալիստների «Ասպարեզ» ակումբի ծրագրերի ղեկավար Լևոն Բարսեղյանը։
Բարսեղյանի խոսքով՝ տարիներ շարունակ Կրեմլը հակահայկական քաղաքականություն է վարել, հիմա ավելի սրվել է. «Տնտեսական ճակատում՝ գազի սակագնի բարձրացման, էներգետիկ սաբոտաժի ռիսկեր կան. խնդիրը ՀՀ պատրաստվածության մեջ է։ ՌԴ-ն շանտաժ է անում և անելու է, հարց է՝ որքան Հայաստանը կդիմագրավի այդ շանտաժին։ Ռուսաստանը պատերազմից հետո ուխտադրուժ քաղաքականություն է վարել Հայաստանի հետ»։
