ԱԺ տասներորդ գումարման նստաշրջանի քննարկմանը դրվեց ՀՀ միջազգային պայմանագրի վավերացման հարցը, որը 2010 թվականի դեկտեմբերի 10-ին Մոսկվայում ստորագրված ««Հավաքական անվտանգության մասին» պայմանագրի կազմակերպության` ռազմական նշանակության արտադրանքի թողարկման միջպետական գիտարտադրական միավորումներ ստեղծելու ընդհանուր սկզբունքների մասին» համաձայնագիր է:
ՀՀ ՊՆ փոխնախարար Արա Նազարյանը, ներկայացնելով օրակարգը, նշեց, որ այն կնպաստի ՀՀ պաշտպանական ներուժի ամրապնդմանը և ավելացրեց. «Համաձայնագրի նպատակն է հավաքական անվտանգության պայմանագրի կազմակերպության անդամ պետությունների ռազմատեխնիկական և ռազմատնտեսական համագործակցության կատարելագործումը և պաշտպանական արդյունաբերության ձեռնարկությունների զարգացման և ինտեգրացման համար պայմանների ստեղծումը, ինչը հնարավորություն կստեղծի ՀՀ-ի և ՀԱՊԿ անդամ մյուս պետությունների միջև ապահովել լուրջ ծրագրեր` արդյունաբերության, արդյունաբերական պաշտպանական ճյուղերի արտադրական և գիտահետազոտական ձեռնարկությունների օպերացիա` նպաստելով փոխշահավետ համագործակցությանը»:
ՊՆ փոխնախարարը ներկայացրեց նաև 2010 թվականի դեկտեմբերի 10-ին Մոսկվայում ստորագրված «Հավաքական անվտանգության մասին» պայմանագրի կազմակերպման` անվտանգության հավաքական ուժերի և միջոցների կազմավորման և գործունեության կարգի մասին» համաձայնագիրը:
Նպատակը մասնակից պետությունների անհրաժեշտ ուժերի և միջոցների կազմավորման և տարբեր օգտագործման միջոցներով ՀԱՊԿ անդամ պետությունների նկատմամբ զինված հարձակման և ագրեսայի և այլ մարտահրավերներին ու սպառնալիքներին` միջազգային ահաբեկչություն, հանցագործություն, արտակարգ իրավիճակներ, համարժեք արձագանքի ապահովումը: Այդ թվում` նաև թմրանյութերի դեմ պայքարը: Ներկայացնելով նպատակը` ՊՆ փոխնախարարն առաջարկեց դրանք վավերացնել ԱԺ-ի կողմից:
